Повеќе од 30.000 луѓе, главно Сиријци, преминале во Сирија од Либан во изминатите 72 часа, соопшти во петокот агенцијата за бегалци на ОН, додека конфликтот меѓу Израел и Хезболах се интензивираше, јавува Ројтерс.
Околу 80 отсто од луѓето што го преминале биле Сиријци, а околу 20 отсто Либанци, изјави Гонзало Варгас Љоса, претставник на УНХЦР во Сирија.
Околу половина се деца и адолесценти, а мажите поминуваа во помал број од жените, рече тој.
„Тие преминуваат од земја во војна во земја која се соочува со кризен конфликт веќе 13 години“, рече Варгас Љоса на прес-конференција во Женева, и додаде дека „ќе треба да видиме во текот на следните неколку дена уште колкумина ќе го направат тоа“.
Тој рече дека УНХЦР соработува со сириската влада и партнерите за да го засили приемот и обработката на оние што пристигнуваат и дека Сирија дозволува либански државјани да влезат на неодредено време додека имаат некакви документи на кои се гледа нивното име.
Либан е дом на околу 1,5 милиони Сиријци кои избегаа од граѓанската војна во својата земја.
Министерот за надворешни работи на Израел ги отфрли светските повици за прекин на огнот со групата Хезболах поддржана од Иран и продолжи со воздушни напади кои оваа недела ги зголемија стравувањата од регионална војна.
Конфликтот меѓу израелските сили и тешко вооружениот Хезболах е нивен најсилен во повеќе од 18 години и дел од регионалното прелевање на војнатаПове во Газа.
