Skip to content
Tимот за трансплантација на црн дроб, проф. д-р Зоран Караџов, проф. д-р Светозар Антовиќ, доц. д-р Бети Тодоровска, прим. д-р Татјана Спировска и проф. д-р Маја Мојсова Мијовска, и универзитетскиот професор д-р Африм Османи, се добитници на државната награда „23 Октомври“ за 2023 година за остварување во областа на науката и образованието.
Државната награда „23 Октомври“ за оваа година за остварување во областа на културата и уметноста, наградата им се доделува на проф. м-р Роберт Јанкулоски, визуелен уметник и на Блаже Миневски, писател.
Наградата ќе им биде врачена на добитниците на 23 октомври 2023 година (понеделник) во 12 часот во Собранието на Република Северна Македонија.
Ова го соопшти одборот за за доделување на државната награда ,,23 Октомври“ за 2023 година, којашто се доделаува за долгогодишни остварувања во областа на науката, културата, образованието, заштитата на државните интереси и промоција на државните приоритети, вредности и културно-историското наследство од јавен интерес на Република Северна Македонија.
