Познато за колку е продаден NIS

Претседателот на Србија, Александар Вучиќ, откри приближната цена за која унгарската нафтна компанија MOL ја купи контролата над Нафтна индустрија Србија (NIS).

„Отприлика знаеме цената за која е купен NIS. За удел од 56 отсто, износот се движи меѓу 900 милиони и една милијарда евра“, изјави Вучиќ во интервју за „Blic TV“.

Тој додаде дека Србија била подготвена да понуди повисока цена, но не ја откри причината зошто уделот не е купен од државата: „За тоа не можам да зборувам, би ги загрозил интересите на Србија“.

Вучиќ исто така предупреди дека доколку не се инвестира во енергетската инфраструктура, до 2035 година Србија може да се соочи со сериозни проблеми во снабдувањето со енергија.