Претседателски избори на Исланд

 Гласачите на Исланд денеска избираат нов претседател, пренесе ДПА.

Популарниот актуелен претседател Гудни Јоханесон не се кандидира повторно, по два мандата на функцијата.

Гласачите одлучуваат меѓу 12 кандидати, вклучувајќи ја и Катрин Јакобсдотир, која ја изненади земјата со повлекувањето од премиерската функција во април за да се кандидира за претседател.

Избирачките места се отворени од 9 часот по Гринич. Првите резултати се очекуваат од 22 часот по Гринич.