Професорката Рабије Мурати и режисерот Антонио Митриќески се добитници на наградата „Св. Климент Охридски“ за 2023 година

Универзитетските професори Рабије Мурати и Антонио Митриќески (филмски режисер) се годинешните добитници на државната награда „Св. Климент Охридски“, одлучи Одборот за доделување.

Во областа на воспитанието и образованието наградата ѝ се доделува на проф. д-р Рабије Мурати, универзитетски професор.

Во областа на културата и уметноста наградата му се доделува проф. д-р на Антонио Митрикески, филмски режисер и универзитетски професор.

Наградата на добитниците ќе им биде врачена на 8 декември (петок) во 12 часот, во свечената сала на Собранието на Република Северна Македонија.