Skip to content
Советот на Град Скопје повторно не успеа да одржи седница за советнички прашања поради тоа што на седницата не присуствуваше градоначалничката Данела Арсовска.
Веднаш по започнувањето на денешната седница советничката Љубица Јанчева од СДСМ потсети на ставот на нивната советничка група.
Го знаете нашиот став, доколку градоначалничката не е присутна нема да учествуваме во работата на седницата – рече Јанчева.
Веднаш потоа претседателот на Советот Трајко Славески даде 10 минути пауза во обид да се обезбеди присуството на градоначалничката, но и по истекот на паузата Арсовска не се појави во салата. Славески поради тоа ја затвори седницата со образложение дека нема услови за нејзино одржување.
Недоаѓањето на Арсовска на седниците кога треба да се поставуваат прашања кои се од интерес на граѓаните е веќе вообичаено и покрај нејзините тврдења дека секогаш работи за доброто на граѓаните.
