Протест во ЈП „Паркови и зеленило“ – вработените бараат плата

Вработените во ЈП „Паркови и зеленило“ и фирмите ќерки денеска повторно протестираа поради неисплатена септемвриска плата. Тие најавуваат радикализација на протестите, вклучително и блокирање на крстосницата кај Зоолошка и булевар „Илинден“, ако не добијат плата.

Покрај септемвриската плата, вработените велат дека сè уште не им се исплатени К-15, јубилејни награди и отпремнини за оние кои заминуваат во пензија.

Од Независниот синдикат побараа итна исплата за да се избегнат понатамошни протести. Синдикатот најави и поднесување пријави до Државниот инспекторат за труд, кривична пријава против директорот за неплатен регрес, како и поединечни тужби. Директорот остана недостапен за изјава.