Путин признава дека Русија во целост ја финансирала „Вагнер“, за една година добиле милијарда евра

Групацијата „Вагнер“ е целосно финансирана од државата. Од Министерството за одбрана, од државниот буџет, целосно ја финансиравме оваа групација, рече Путин.

Иако долго време негираше , сепак, денеска рускиот претседател Владимир Путин призна дека Москва целосно ја финансирала паравоената формација „Вагнер“, на чие чело е Евгениј Пригожин.

-Сакам да истакнам и сакам сите да го знаат тоа: оваа групација „Вагнер“ е целосно финансирана од државата. Од Министерството за одбрана, од државниот буџет, целосно ја финансиравме оваа групација, рече Путин.

Според него, од мај 2022 година до мај 2023 година, властите на „Вагнер“ му исплатиле 86,262 милијарди рубљи или околу милијарда евра.

-Се надевам дека никој ништо не украл, ќе расчистиме, додаде тој.