„Рио Тинто“ планира да плати 138 милиони долари за да го затвори случајот за измама во рудникот во Монголија

Рударскиот гигант „Рио Тинто“ се согласи на спогодба вредна 138,75 милиони долари за да избегне судски спор во врска со обвинувања за измама на инвеститорите преку криење на проблеми со проширувањето на подземниот рудник за бакар и злато „Оју Толгој“ во Монголија, вреден 7 милијарди долари.

Прелиминарниот договор, поднесен во американскиот Окружен суд во Менхетен, е предмет на судиско одобрување. Тужбата ја поднесоа акционери на „Туркуаз Хил Рисорсис“, канадска компанија од Монтреал, за периодот од јули 2018 до јули 2019 година, кога „Рио Тинто“ беше мнозински сопственик на „Туркуаз Хил“.

Со спогодбата се отфрлени и обвиненијата против поранешниот извршен директор на „Рио Тинто“, Жан-Себастијан Жак, кој се повлече од функцијата во март 2021 година. Иако сите обвинети негираа вина, се согласија на спогодбата за да го избегнат продолжениот и скап судски процес.

„Туркоаз Хил“ поседуваше 66% од рудникот „Оју Толгој“, додека монголската влада беше сопственик на останатите 34%. Компаниите беа обвинети за лажно тврдење дека проширувањето на рудникот е „според распоредот и буџетот“, иако проектот бил задоцнет повеќе од две и пол години и надминал буџет од 1,9 милијарди долари.

Во 2022 година, „Рио Тинто“ ја купи преостанатата 49% удел во „Туркоаз Хил“ за 3,3 милијарди долари, целосно интегрирајќи го рудникот во својата дивизија за производство на бакар.