Ројтерс: Рускиот опозициски лидер Навални починал во затворот

Затворениот руски опозициски лидер Алексеј Навални е мртов, соопшти во петокот затворската служба на регионот Јамало-Ненец, каде што тој ја отслужуваше казната, објави агенцијата Ројтерс.

Во соопштението објавено на својата веб-страница, Федералната казнена служба на автономниот округ Јамало-Ненец рече дека Навални „се чувствувал лошо“ по прошетката во петокот и „речиси веднаш изгубил свест“.

Се вели дека медицинскиот персонал бил повикан, но дека не можеле да го реанимираат Навални. Се наведува дека се утврдува причината за смртта.