Русија оштетила 321 објект на украинската пристанишна инфраструктура

Од јули минатата година до сега оштетени се 321 објект на пристанишната инфраструктура на украина, соопшти украинскиот претседател Володомир Зеленски.

Тој кажа дека руски беспилотни летала и проектили оштетиле 321 објект од јули 2023 до сега.

„Во руските напади се оштетени и 20 трговски бродови на други земји“, додаде Зеленски.

Според него, со украинскиот извоз на храна се снабдуваат 400 милиони луѓе во 100 земји во светот.