Skip to content
Веројатно претстои најтешката зима за Украина откако Русија ја нападна во 2022 година, изјави денеска генералниот секретар на НАТО Марк Руте, на прес-конференција со премиерот на Црна Гора, Милојко Спаиќ, во седиштето на Алијансата во Брисел.
Загрижени сме од состојбата на бојното поле. Русија напредува, иако постепено, рече Руте.
– Во последните недели сме сведоци на силни руски напади врз украинската инфраструктура, а жртви се и цивили. Украина итно има потреба од нашата помош. Треба да ги исполниме одлуките донесени претходно оваа година во таа насока, додаде тој.
Инаку, Руте ја опиша стабилноста на Западен Балкан како „кревка“. Тој ја нагласи загриженоста поради зголемените кибернапади, дезинформации и политички мешања од страна на Русија.
