Skip to content
САД соборија ирански дрон откако беспилотно летало од типот „Шахед-139“ денес, „агресивно“ се приближило кон американскиот носач на авиони „Абрахам Линколн“ во Арапското Море, со „нејасна намера“, соопштија американски извори.
Според информациите објавени и пренесени во регионалните медиуми, дронот бил соборен од борбен авион Ф-35C што полетал од носачот, откако леталото продолжило да се движи кон формацијата и покрај обидите за деескалација. Во инцидентот, според истите извори, нема повредени американски припадници ниту оштетена опрема.
Американската Централната команда на САД (CENTCOM) во изјава наведува дека дејствувала во самоодбрана и за заштита на персоналот и пловилата, при што беше нагласено дека намерата на дронот не била јасна додека се приближувал.
Инцидентот се случува во период на засилени тензии во регионот, во кој се бележат и други безбедносни настани, меѓу кои и пријави за вознемирување на трговски бродови во Ормутскиот теснец. Паралелно, дипломатските канали остануваат активни околу можноста за продолжување разговори за нуклеарното прашање, но новите инциденти ја зголемуваат неизвесноста на терен.