СДСМ: Дали Симе од сликите со Мицкоски е поврзан со дрогата од 5 тони? (ФОТО)

Од СДСМ ја прашуваат власта, ‘зошто со денови нема одговор за поврзаноста на Мицкоски со Симе, криминалец уапсен со поголема количина дрога, оружје, муниција и пари’.

Опозициската партија тврди дека постои цел албум со фотографии на Мицкоски во друштво на Симе, и видео како тој пука со автоматска пушка калашников, и на сето тоа ‘сите молчат’.

„Исто како што нема одговор ниту за дрогата од 5 тони запленета во Србија а дошла од Македонија. Особено ако се знае дека уапсените во соседна Србија се функционери и финансиери на сестринската партија на ВМРО – СНС. Нема одговори кој ќе одговара во Македонија, кој се е замешан, каде завршиле парите? Дали дел од фирмите во Македонија имаат некаква врска со финансирање на ВМРО? Сите молчат“, посочуваат од СДСМ.

Тие прашуваат ‘Дали лицето С.З., познат како Симе, кој е на сликите во друштво со Мицкоски е поврзан со дрогата од 5 тони? Тоа ли е причината што се молчи за овој картелски скандал’?

Од СДСМ и со прашање до Латас.

„Кој ги координира акциите за Мицкоски во име на шефот, што пишува по инструкциите од БИА, покрај анти-ЕУ кампањата? Што се прави во кризни ситуации кога нема одговор за Симе и за 5 тони дрога? Да се нападнат СДСМ и Заев или има некој нов пристап? Има ли уште некој нов „д-р Жан“ за дефокус од картелските скандали на власта“, посочуваат од СДСМ