Skip to content
Опозициската СДСМ преку соопштение за јавност денеска реагира на интервјуто на вицепремиерот во македонската Влада Иван Стоилковиќ кој го цитираше српскиот претседател Вучиќ
„Најблискиот соработник на Мицкоски и негов заменик во Владата, Иван Стоилковиќ, во интервју ја цитира изјавата на Александар Вучиќ дека е одлична идеја целиот Балкан да влезе заедно во Европската унија, оценувајќи дека таквиот пристап е рационален и корисен за регионот. Идејата сама по себе би била одлична доколку е возможна“ се наведува во соопштението.
Од СДСМ упатуваат и едно логично прашање за Стоилковиќ и премиерот Христијан Мицкоски кои според нив, ја запираат интеграцијата на Македонија:
„Ве молиме да ни објасните зошто веќе следниот ден по таа изјава Вучиќ соопшти дека нема да присуствува на состанокот во Брисел, во организација на Европската унија?“ прашуваат од СДСМ.