Skip to content
Пејачката Северина се обрати од Брисел, каде што на Европската комисија беа предадени над 1,2 милиони потписи во рамки на иницијативата My Voice, My Choice, со цел сите жени во Европската унија да имаат обезбеден достапен, бесплатен и сигурен прекин на бременост.
„Факт е дека денес, иако имаме претседателка на Европската комисија и претседателка на Европскиот парламент, ние жените сме граѓанки од втор ред. Нам ни се одзема правото на одлука за сопственото тело и сопствениот живот. Тоа не е наша традиција. Нашата традиција е слобода и одлучност – и ќе продолжиме по тој пат,“ изјави Северина.
Таа потсети дека во Европската унија повеќе од 20 милиони жени немаат достапен абортус:
• На Малта жените ризикуваат затвор ако ја прекинат бременоста.
• Во Полска жените умираат во болници поради забрана на абортус.
• Во Хрватска, абортусот не е достапен во многу болници и чини половина просечна плата.
„Ова е борба за слобода и историјата ќе ги запамети европратениците – дали ќе бидат на вистинската страна или како насилници и неуспешни губитници,“ порача Северина.