Skip to content
Северна Македонија стана втората балканска земја по Романија која успешно ја заврши програмата за обука на првата група украински војници. Информациите за обуката до сега се чуваа во тајност од безбедносни причини, пренесува порталот Европска Правда, повикувајќи се на интервјуто на министерката за одбрана Славјанка Петровска за Македонската телевизија.
Порталот пренесува дека според министерката, обуката била спроведена „во објектите кои припаѓаат на армијата на Република Северна Македонија, со соодветна одлука на Владата“.
Таа додаде дека Северна Македонија, која стана членка на НАТО во 2020 година, ќе продолжи со обуката на украинските војници во 2024 година и „колку што е потребно“.
Петровска не прецизираше каква обука поминале војниците, ниту колку војници биле или ќе бидат обучени.
Оваа обука ја прави Северна Македонија втората балканска земја по Романија која ги понуди своите воени капацитети за обука на украински војници.
