Што рече турскиот министер за падот на авионот во близина на Сењ

Остатоци од канандерот (противпожарен авион) на Шумарската управа на Република Турција, кој исчезна во Хрватска, се пронајдени, а пилотот починал, потврди турскиот министер за земјоделство и шумарство Ибрахим Јумакли.

„Остатоци од нашиот противпожарен авион на Шумарската управа, кој го изгуби радио-контактот во Хрватска, се пронајдени во близина на градот Сењ. Го молам Алах да му се смилува на нашиот пилот, кој стана маченик во оваа трагична несреќа, и изразувам сочувство и трпение на неговото семејство и најблиските“, рече Јумакли на турската социјална платформа NSosyal, пренесува N1.

Претходно, Министерството за земјоделство и шумарство објави дека е изгубен контактот со противпожарниот авион на Шумарската управа на Република Турција во Хрватска.

„Два противпожарни авиони AT802, кои припаѓаат на Управата за шумарство, полетаа од Чанаккале во среда, 12 ноември, во 10:24 часот по локално време, за закажано одржување до Загреб. Поради временските услови, двата авиона останаа преку ноќ на аеродромот во Риека.

Во четврток, 13 ноември 2025 година, во 17:38 часот по турско време, авионите полетаа кон аеродромот во Загреб, но поради неповолни временски услови, почнаа да се враќаат на аеродромот во Риека. За време на враќањето, едниот авион безбедно слета во Риека, но во 18:25 часот радиоконтактот со другиот беше изгубен“, соопшти министерството на перонот X.