Шукова: „Вардариште“ од дива депонија ќе стане центар за управување со отпад

Кандидатката за градоначалничка на Град Скопје, Каја Шукова, на средба со жители во Гази Баба најави дека локацијата „Вардариште“ ќе се трансформира од дива депонија во модерен центар за управување со отпад. Како итни мерки ги наведе оградувањето, 24-часовниот надзор и пристап само за овластени служби; долгорочно — селекција, преработка и транспортирање на отпадот кон „Дрисла“ со стандарди за нулто загадување на воздухот, почвата и подземните води. Шукова посочи дека обврските за чистота и третман на отпад се на Градот според Законот за управување со отпад.

Темата е дел од предизборната агенда за екологија и хигиена; домашни редакции ја пренесоа изјавата како клучна заложба за решавање на хроничниот проблем со „Вардариште“, којшто често предизвикува пожар и загадување.