Силно невреме и град во провинцијата Џиангси во источна Кина, загинаа осум лица

 Силното невреме и град уби седум лица во источната кинеска провинција Џиангси оваа недела, повеќе од 800 мораа да се преселат и беше предизвикана значителна материјална штета, соопштија денеска кинеските медиуми.

Четири лица загинаа во невремето во неделата во Нанчанг, главниот град на провинцијата.

Во извештајот не е наведено кога и каде загинале другите три лица, а уште едно силно невреме вчера оставило луѓе заробени во урната куќа во тој град.

Според претходниот извештај, 11 лица се хоспитализирани.

Невремето оштетило околу 5.700 хектари земјоделски култури во провинцијата Џиангси.