Skip to content
Синоќа силно невреме го зафати подрачјето на Мостар, предизвикувајќи голема материјална штета. Улиците утрово се полни со откорнати дрвја, а дел од нив паднале врз паркирани автомобили.
Невремето било проследено со дожд и силен ветер кој ненадејно го зафати градот. На видеа од социјалните мрежи може да се види како дрвјата се виткаат под налетите на ветерот, а на некои места тој буквално креваше ролетни од прозорците.
Федералниот хидрометеоролошки завод вчера издаде портокалово предупредување за обилни врнежи во Херцеговина и делови од западна и централна БиХ.