Синер до Ѓоковиќ: Играте неверојатен тенис, бидете здрави и играјте колку што е можно подолго

Со победата на турнирот во Шангај, Јаник Синер го победи Ѓоковиќ по трет пат по ред и заокружи неверојатна година, најдобра во неговата кариера.

За време на доделувањето на пехарот ги пофали сите околу него, неговиот тим, Новак, публиката, организаторите, воодушевен и расположен.

Синер на почетокот им се заблагодари на важните членови на неговиот тим Бади Улисес и Марко Паница задолжени за неговата физичка подготовка.

„Благодарам на мојот тим за поддршката. Секоја недела патуваме низ светот. Неверојатна сезона, не знаеме што нe чека, но ќе се обидам да се подобрам. Штотуку започнавме со двајца нови членови. Среќен сум што се со мене, Ви благодарам за поддршката“, рече тој, шампионот на Шангај.

Секако, тој имаше и порака за Новак:

„Новак, убаво е што ве гледам дека сѐ уште играте неверојатен тенис. Така е од година во година. Правите одлична работа, ви посакувам се најдобро. Бидете здрави и играјте како што е можно подолго на овие големи сцени“, рече Јаник.

Неизбежен беше поздравот до легендите од трибините, Федерер, Алкараз и Ферер…

“Новак веќе кажа се за публиката. Три легенди се таму на трибините, играв против една. Сите легенди се околу мене, се трудам да бидам во чекор со нив! Поддршката беше голема цела недела, секој играч е среќен да дојдете овде, се чувствуваме како дома, стадионот, сè е неверојатно, едвај чекаме да се вратиме овде, се гледаме следната година“, порача Синер.