Skip to content
Утрото започна без застои на државните патишта и со умерен интензитет на движење надвор од градовите. На граничните премини од македонска страна нема подолги задржувања за влез и излез од државата. Возачите да ја прилагодат брзината и строго да ја почитуваат сигнализацијата, особено на делниците низ котлини, речни долини и клисури, каде е можна појава на одрони. Најризични се потезите Катланово–Велес, Маврово–Дебар–Струга, Виница–Берово и Кочани–Делчево.
Во сезонски режим останува патниот правец Охрид–Ресен преку НП „Галичица“, кој е пуштен за возила до 3,5 тони. На терен продолжуваат повеќе градежни активности со времен режим: на А2 Крива Паланка–Страцин кај с. Петралица преку ден сообраќајот се регулира рачно (07:00–17:00), а во останатиот дел од денот со семафори; на обиколницата кај Скопје (А2) се санираат потпорни ѕидови, со пренасочување и двонасочно пропуштање на една лента на потегот меѓу клучките Волково и Кондово; на регионалниот пат Р1202 Косоврасти–Мелнички Мост се работи на свлечиште со привремена измена на режимот; на А2 Гостивар–Стража при санација на мостот кај Здуње важи наизменично пропуштање со семафори. Паралелно течат и повеќе реконструкции и санации со привремени ограничувања на А1 Градско–Дреново и на делници Демир Капија–Смоквица (тунел Т2, фазно), Желино–Тетово, како и на потезите Прилеп–Битола, Прилеп–Крушево–Сладуево и околината на ГП „Блаце“, каде што на места важи двонасочен режим со поставена сигнализација.
АМСМ апелира за внимателно управување, поголемо растојание и навремено планирање на рутите, со оглед на локалните пренасочувања и повремениот семафорски режим на дел од градилиштата.
