ССК ги разреши потпретседателите Георгиевски и Костадиновски и ги исчлени од организацијата

Сојузот на стопански комори на Македонија (ССК) вчера на вонредна седница на Управниот одбор едногласно ги разреши Горан Георгиевски и Ромео Костадиновски од функциите потпретседатели и донесе одлука да ги исклучи од членство. Од ССК соопштуваат дека од овој момент двајцата немаат никаква формална врска со институцијата, ниту овластување да ја претставуваат пред јавноста или пред деловните партнери.

Во краткото соопштение, ССК потенцира дека останува посветен на транспарентно и одговорно работење, насочено кон поддршка на стопанството и економскиот развој на државата. Дополнително се најавува дека ваквиот став ќе биде проширен со нови мерки за зајакнување на интерната контрола и отчетност во управувачките структури.

Разрешувањето уследи без официјално образложение за причините, а одлуката стапи во сила веднаш по изгласувањето. Со тоа, Георгиевски и Костадиновски остануваат без членски статус во Сојузот, иако нивните компании, доколку одлучат, формално можат самостојно да аплицираат за возобновување на членството. Од ССК нагласуваат дека сите идни контакти со институцијата треба да се остваруваат исклучиво преку овластените претставници определени со Статутот.

Со последните измени, Сојузот влегува во период на реорганизација и избор на нови потпретседатели, за што јавноста ќе биде дополнително информирана.