Skip to content
Во населбата Ново Маало е во тек реконструкција на улицата „Светозар Марковиќ“, каде што градоначалникот на Општина Центар, Горан Герасимовски, извршил увид во градежните активности. Според информациите од општината, зафатот опфаќа површина од 1.310 квадратни метри и должина од 210 метри, а во моментот на терен се поставува нов асфалт.
Со реконструкцијата е предвидено проширување на улицата, изградба на нови рабници и тротоари, поставување ново улично осветлување, како и атмосферска и фекална канализација. Пораката од локалната власт е дека зафатот треба да овозможи полесно движење, побезбеден сообраќај и поуреден изглед на населбата.
Од Општина Центар посочуваат дека паралелно продолжуваат и други инфраструктурни активности, вклучително и реконструкцијата на улицата „Мирослав Крлежа“ во Дебар Маало, додека во наредниот период се најавува старт на работите за вториот дел од улицата „Ленинова“.