Светските лидери го „ставија на тапет“ Трамп

Во пресрет на COP30 во Белем, бразилскиот Амазон стана сцена за најострите критики кон американскиот претседател Доналд Трамп. Иако не присуствува, Трамп беше директна мета на јужноамериканските лидери: колумбиските и чилеанските претставници го нарекоа „лажго“ заради негирањето на климатската наука и демонтажата на клучни зелени политики; Лула да Силва предупреди на „екстремистички сили“ и лажни вести што ја туркаат планетата кон трајно изменета клима. Британскиот премиер Киер Стармер додаде дека глобалниот консензус околу климатските акции „потенува“ – сигнал дека политичката поддршка еродира токму кога е најпотребна.

Самитот, што ќе трае две недели, влегува со ниска политичка температура: дел од големите лидери – од Индија, Русија, Кина и САД – отсуствуваат, а само малку земји пристигнуваат со нови, поамбицизни планови за намалување на емисиите. Паралелно, домаќините се разочарани од британското повлекување од дел од планираниот фонд за заштита на тропските шуми, и покрај апелите на Лула за силно финансирање на Амазон и Конго.