Сѐ уште активни пожарите во Илинден, Долнени и Липково, пожарите на Кожуф, Јасен и Вардариште ставени под контрола

Како што стои во соопштението од ЦУК, активни се пожарите во општина Илинден кај село Ајватовци каде што гори ниска вегетација, во општина Долнени кај селата Црнилиште и Долгаец каде што гори нискостеблеста вегетација, како и во општина Липково кај селото Никуштак каде што гори мешана шума.

Од ЦУК известуваат дека пожарите на планината Кожуф, повеќенаменското подрачје Јасен и дивата депонија кај Вардариште се ставени под контрола. 

– До 21:00 часот на територијата на Република Северна Македонија има вкупно 17 пожари на отворен простор, од кои три активни, три под контрола и 11 изгаснати. Активни: Општина Илинден, с. Ајватовци (ниска вегетација); Општина Долнени, с. Црнилиште и с. Долгаец (нискостеблеста вегетација); Општина Липково 2, с. Никуштак (мешана шума); Под контрола: Општина Гевгелија, планина Кожуф (приземен пожар); Општина Македонски Брод, повеќенаменско подрачје Јасен (мешана шума); Општина Гази Баба, Вардариште (ѓубриште), стои во соопштението на ЦУК.