Skip to content
За да останат во контакт со своите блиски во време на криза, Телеком Македонија од денес им активира на своите корисници во Блискиот Исток, вклучувајќи ги Израел, Катар, ОАЕ и Саудиска Арабија, бесплатен роаминг пакет од 10 GB интернет со важност од 7 дена. Оваа мерка е дел од напорите компанијата да им овозможи на своите корисници да останат поврзани и да комуницираат со семејството и пријателите додека се наоѓаат во загрозени региони.
Од Телеком нагласуваат дека бесплатниот пакет се активира автоматски и е наменет за сите постојни корисници кои моментално се присутни во наведените земји, без дополнителни трошоци, со цел да се олесни комуникацијата и да се обезбеди безбедноста на корисниците.
Ова е дел од пошироката политика на компанијата за поддршка на своите корисници во ситуации кога комуникацијата е критична, особено во услови на ескалација на кризи или непредвидени настани.
