Skip to content
Кошаркарската репрезентација на Македонија доживеа убедлив пораз на гостувањето во Унгарија, каде загуби со 96:58 во натпревар што се играше вечерва.
Натпреварот започна изедначено, со тесна предност од еден поен за домаќините по првата четвртина (19:18). Меѓутоа, во втората четвртина, играта на македонскиот тим значително ослабе, особено во одбраната, што му овозможи на противникот да постигне 34 поени и да создаде сериозна предност. Во третата четвртина Унгарија ја зголеми разликата, а во последниот период Македонија постигна само седум поени, што ги комплетираше тежките минути за нашата селекција.
Резултатот по четвртини беше:
- четвртина: 19:18
- четвртина: 34:19
- четвртина: 17:14
- четвртина: 26:7
Со ваков епилог Македонија има само теоретски шанси да ги мине претквалификациите за СП 2027.
Следниот натпревар за македонските кошаркари е закажан во среда на гостински терен во Ородеја, против Романија, која веќе има остварено две победи во оваа квалификациска група.
