Skip to content
Во пресрет на неговата инаугурација, новоизбраниот претседател Трамп се соочува со огромен предизвик кој може да влијае на неговата популарност, неговата извршна моќ и неговиот збор. Тој вети дека ќе го спаси TikTok – но не успеа да објасни како може да го стори тоа без да го прекрши американскиот закон, пишува денеска Аксиос.
Врховниот суд вчетра го потврди законот усвоен од Конгресот минатата година со кој се принудува кинеската матична компанија ByteDance да се откаже од TikTok до 19 јануари, во спротивно ќе се соочи со забрана во САД.
Одлуката беше едногласна, при што сите девет судии го отфрлија барањето на Трамп со барање судот да ја одложи забраната за да може неговата администрација „да продолжи да преговатра за решение“.
Претседателот Бајден, кој го потпиша законот за TikTok, нема да ја спроведе забраната – во изјавата во петокот рече дека „акциите за спроведување на законот едноставно мора да паднат“ на товар на администрацијата на Трамп, со оглед на времето.
Во меѓувреме, пд TikTok најавија дека апликацијата „ќе биде исклучена“ во недела, освен ако администрацијата на Бајден „веднаш не даде дефинитивна изјава што ќе гарантира неспроведување“.
Инаку администрација беше таа што го предводеше првичниот притисок за забрана на TikTok преку извршна наредба во 2020 година кога беше јасно дека заминува од Белата куќа, наведувајќи ја заканата за националната безбедност од потенцијалното влијание на Пекинг врз апликацијата и нејзините кориснички податоци.
Трамп стана бранител на TikTok откако сфати колку моќен може да биде како алатка за пораки во кампањата, особено кај младите луѓе.
Сега, за многу од 170 милиони американски корисници на платформата, првиот ден на Трамп се заканува да биде засенет од – или уште полошо, засекогаш поврзан со – исчезнувањето на TikTok од „продавниците“ за апликации.
Трамп, така беше најавено, размислува за извршна наредба за одложување на спроведувањето на забраната на TikTok за да и даде време на администрацијата да најде купувач од САД, и покрај одбивањето на ByteDance да ја продаде компанијата во последните осум месеци.
Нејасно е како извршната наредба може да го заобиколи словото на законот, зашто „продавниците“ за апликации управувани од Google и Apple би можеле да се соочат со казни и ризик од одговорност доколку ја игнорираат пресудата на Врховниот суд.
Сепак, Трамп се обидува. Тој разговараше за TikTok со кинескиот претседател Кси Џинпинг во телефонски разговор во петокот и го покани извршниот директор на TikTok, Шоу Зи Чу, да биде ВИП на инаугурацијата во понеделник.
Една од најголемите пречки за спасувачката мисија на Трамп е неговата сопствена партија.
Сенаторот Том Котон од Арканзас, претседател на Комитетот за разузнавање, го блокираше обидот на демократите да го продолжат рокот за забраната во четвртокот.
„Да бидам кристално јасен: нема да има продолжувања, отстапки и компромиси за TikTok“, рече Котон, во стилк типичен за повеќето републиканци пред промената на мислењето на Трамп.
Сенаторот Марко Рубио од Флорида, кандидатот на Трамп за државен секретар, беше меѓу првите пратеници што го вклучија алармот за TikTok во октомври 2019 година – иако тој посочи дека можеби ќе се одложи од Трамп.
