Тони Михајловски-Шанац: Се гледаме на барикадите, културата ја заковавте со клинци и ја оставивте да умре, и тоа пред Велигден

Актерот Тони Михајловски – Шанац, коментирајќи ги актуелните настани во културата, на својот фб напиша: ‘Ја умревте културата. Ја распнавте и заковавте клинци и ја оставивте да умре. Симболично или не баш пред Велигден. Знаете што следува, нели. Таа ќе “воскресне” и ќе ви покаже дека е поголема и побитна од сите вас во институциите оптан топтан’.

Михајловски смета дека активностите на одредени политички функциниери се ‘Смешни и расипани’.

„Смешни, и расипани, сте како Нушич да ве составувал. Кога ќе се поткачите една скала над другите веднаш почнувате да серете врз нив. За пуста функција и преку трупови ќе газите. Заборавате кои сте биле и сите што ве знаат ги бришете од “живи” за да “умре” со нив и вашата вистина. Ама не умира пустата туку о.ц “како шило врти врти и ќе излезе на другата страна” з.ц. Авторот на цитатот добро познат на “војводите”. А еве ја вистината.

Тој преку социјалните мрежи упати и порака до министерот за култура Зоран Љутков.

„Вечерва имаме претстава. Онаа популарната. Онаа што “министерот” не ја гледал пошто била добра. Јаден он и јадна култура со се туризам. Најверојатно ќе играме за да не ја изневериме публиката која платила карти а ние сеуште немаме плата. И најверојатно заради среќните робови кои се најголеми непријатели на Слободата“, напиша Михајловски.

Михајловски најави и ‘барикади’.

„Се гледаме на “барикадите” пошто на сцена не заслужувате да се гледаме, а реално и слабо одите у театар“, порача Михајловски.