Skip to content
Најмалку 20 лица загинаа, а 12 се повредени во разорен пожар што избувнал во продавница во градот Хермосиљо, во северозападниот дел на Мексико, соопштија властите. Повредените се пренесени во болница со изгореници од различен степен, пренесува АФП.
Градоначалникот Антонио Астиазаран потврди дека причината за пожарот сè уште се истражува, додека шефот на противпожарната служба изјави дека не се исклучува техничка неисправност или присуство на запаливи материјали.
Мексиканската претседателка Клаудија Шајнбаум на социјалната мрежа X изрази длабоко сочувство:
„Изразувам искрено сочувство до семејствата и најблиските на оние што ги загубија животите.“
Регионалниот гувернер Алфонсо Дуразо исто така изрази поддршка и нареди итна помош за повредените. Во знак на жалост, општинските власти во Хермосиљо ги откажаа сите културни настани што беа планирани за Фестивалот на Денот на мртвите.
