Skip to content
Претседателот на Соединетите Американски Држави, Доналд Трамп, денес за време на својот говор на Молитвениот појадок изјави дека не сака да спие во авиони, дека сака да гледа низ прозорецот и да внимава на ракети и непријатели, што предизвика смеа кај публиката.
Во јавноста веќе подолго време се знае дека Трамп избегнува да спие додека лета со „Ер Форс Уан“, објавува „Фокс њуз“.
Неговата шега за внимавањето на ракетите дојде додека тој раскажуваше за својот прв состанок со Даниел Кејн, сега претседател на Здружениот штаб на вооружените сили, за тоа како да се победи терористичката организација Исламска држава (ИД) за време на неговиот прв мандат.
Кејн му кажа на Трамп дека за време на 20-часовното патување му е организирана постојка за одмор, која Трамп ја одби за да можат двајцата да разговараат за стратегиите за уништување на ИД.
Трамп го продолжи својот говор пофалувајќи ја моќта на американската војска во неговиот втор мандат, вклучувајќи го апсењето на венецуелскиот претседател Николас Мадуро и нападите врз нуклеарните постројки на Иран.
„Пред две години, никој не сакаше да оди во војска. Ви се смееја и ви велеа дека не ја почитуваат нашата земја. Не го почитуваа нашиот претседател. Не го сфаќаа сериозно. Не ја сфаќаа нашата земја сериозно“, рече Трамп.
Тој рече дека другите земји и се смееја на Америка и ја експлоатираа преку царината.
„На нас не ни беше дозволено да ги наплаќаме, а на нив им беше. Но, сега ни е дозволено да ги собереме и се надевам дека ќе ја добиеме таа одлука од Врховниот суд, бидејќи собравме стотици милијарди долари приходи“, рече Трамп.
Трамп утрово присуствуваше на Молитвениот појадок, настан што ги собира демократските и републиканските конгресмени, бизнис лидери и странски функционери за да размислат за верата и да се молат за нацијата.
Ова беше шести пат Трамп да присуствува на настанот од неговата прва администрација во 2017 година.