Skip to content
Чешката полиција уапси тројца членови на исто семејство — 22-годишен маж, 50-годишна жена и 44-годишен маж — поради тоа што две години нелегално лекувале десетици пациенти во импровизирана стоматолошка ординација во нивниот дом во градот Хавличкув Брод.
Според истрагата, младиот „гугл-стоматолог“ отстранувал заби, изведувал сложени орални операции и давал анестезија следејќи упатства преземени од интернет.
Полицијата соопшти дека сите тројца ги признале делата. Ординацијата инкасирала околу четири милиони чешки круни (околу 161.000 евра), а осомничените се соочуваат со казни до осум години затвор за незаконско претприемништво, перење пари, обид за телесна повреда, кражба и трговија со дрога. Засега не е обелоденето дали некој од пациентите поднел официјална претставка за добиениот третман.
