Уапсени осомничени за кражбата во Лувр – потекнуваат од парискиот регион

Двајца мажи осомничени за кражбата на вредни предмети од музејот Лувр во Париз се уапсени овој викенд и, според француските медиуми, потекнуваат од Обервилије, населба во парискиот регион Сен-Сен-Дени.

Осомничените, на возраст од околу 30 години, биле веќе познати на полицијата, пренесе BFM TV. Едниот бил приведен во саботата вечерта на аеродромот „Роаси–Шарл де Гол“ додека се обидувал да отпатува за Алжир, а другиот бил уапсен во неговиот дом во Обервилије.

Полицијата соопшти дека „одлучувачки ДНК-траг“ – отпечаток од прст – бил пронајден на местото на кражбата. Париската обвинителка Лор Беко потврди дека се земени повеќе од 150 ДНК-узорци во рамки на истрагата.

Кражбата се случила на 19 октомври, кога четворица крадци влегле во музејот преку страничниот влез кон реката Сена, каде што се изведувале градежни работи. Тие користеле теретна платформа за да стигнат директно до Галеријата „Аполон“, каде што се наоѓала кралската збирка.

Од музејот биле украдени девет предмети, меѓу кои дијадеми, огрлици, брошеви и обетки кои ѝ припаѓале на царицата Мари-Луиза (сопруга на Наполеон I), кралицата Ортанс од Холандија, кралицата Мари-Амелија и царицата Евгенија, сопруга на Наполеон III.

Круната на царицата Евгенија била пронајдена оштетена во близина на музејот – најверојатно откако крадците ја испуштиле при бегството.

Вкупната вредност на украдените експонати се проценува на 88 милиони евра.