Skip to content
Тајлер Робинсон (22), осомничен за убиството на американскиот конзервативен коментатор Чарли Кирк, се појави првпат пред судот во САД. Негово однесување во судницата го разгневи семејството и пристапниците на Кирк.
Робинсон беше во цивилна облека, со врзани раце и нозе, а неговото семејство седеше во првиот ред. Судот дозволи делумно снимање на рочиштето, и покрај барањата на одбраната да се забрани.
Тој е обвинет за тешко убиство, ометување на правдата и влијание врз сведоци. Обвинителството најави барање за смртна казна. Убиството се случи на 10 септември од кровот на Универзитетот Јута Вели, а Робинсон беше уапсен два дена подоцна.
Семејството на Кирк инсистира на целосна транспарентност: „Имаме право камерите да бидат присутни“, рече неговата вдовица, Ерика Кирк. Чарли Кирк беше основач на организацијата „Точка на пресврт САД“ и советник на поранешниот претседател Доналд Трамп.