Украинските сили за една недела уништија 6.980 напаѓачи, 98 тенкови и 7 авиони

Украинските одбранбени сили елиминирале околу 6.980 руски војници во текот на неделата од 25 февруари до 3 март 2024 година, изјави командантот на украинските копнени сили, генерал-полковник Олександр Павлиук, пренесува Укринформ.

Украинските бранители, исто така, уништиле 1.059 парчиња оружје и воена опрема на бојното поле, вклучувајќи 98 тенкови, 198 оклопни борбени возила и 207 артилериски системи.

Дополнително, украинските сили уништиле 4 повеќекратни ракетни системи, 12 системи за противвоздушна одбрана, 321 возило и 42 специјални возила.

Украинските бранители уништиле и 7 авиони, 8 крстосувачки ракети и 162 беспилотни летала.

Од 24 февруари 2022 година до 3 март 2024 година, вкупните воени загуби на Русија изнесуваат околу 416.800 војници, вклучувајќи 1.160 напаѓачи убиени и ранети во изминатите 24 часа.

М. П.