Унгарија најави тужба против ЕУ: „Ќе ги искористиме сите законски средства“

Унгарскиот министер за надворешни работи Петер Сијарто објави дека Унгарија ќе покрене судска постапка пред Судот на правдата на Европската Унија штом официјално биде објавена одлуката за планот REPowerEU.

„Унгарија ќе поднесе жалба до Судот на правдата на ЕУ и ние ќе ги искористиме сите правни средства за да ја поништиме оваа одлука“, рече Сијарто во објава на американската социјална мрежа X, тврдејќи дека планот REPowerEU се базира на „правен трик“.

„Тоа е спротивно на правилата на ЕУ“

Според него, мерката санкции била претставена како одлука за трговска политика со цел да се избегне принципот на едногласност, што, според него, е спротивно на правилата на Европската Унија. „Тоа е целосно спротивно на сопствените правила на ЕУ. Договорите се јасни, одлуките за енергетскиот микс се одговорност на земјите-членки“, нагласи Сијарто.

Тој додаде дека забраната за купување нафта и гас од Русија на Унгарија би била спротивна на националните интереси и би довело до значително зголемување на трошоците за енергија за унгарските семејства.

REPowerEU е енергетска стратегија на Европската Унија. Тоа е стратешки план усвоен од Европската комисија како одговор на енергетската криза предизвикана од руската инвазија на Украина, со цел намалување на зависноста на ЕУ од руските фосилни горива и забрзување на транзицијата кон чиста енергија.