Skip to content
Претседателката на Европската комисија Урсула фон дер Лајен денеска ќе ја посети Романија. Попладне таа ќе се сретне со претседателот Никушор Дан и со премиерот Илие Боложан во приморскиот град Констанца.
Фокус на разговорите ќе бидат соработката меѓу ЕУ и НАТО, како и откривањето, спречувањето и одвраќањето на морски и хибридни закани.
Посетата следува по нејзиното вчерашно патување во Бугарија и е дел од нејзината турнеја во земјите на источната граница на ЕУ – Летонија, Финска, Естонија, Полска, Литванија, Бугарија и Романија.
Целта на посетата, според Европската комисија, е да се нагласи поддршката на Унијата за земјите членки кои се соочуваат со предизвици на заедничките граници со Русија и Белорусија.
