Skip to content
Утре, 30 ноември (недела), делови од Скопје ќе останат без вода или со намален притисок, поради два одделни зафати на водоводната мрежа, соопшти ЈП „Водовод и канализација“ – Скопје.
На подрачјето на општина Бутел, поради уличен дефект од ф-400 мм на ул. Бутелска б.б., кај сервис „Топал“, од 11:00 часот па сè до отстранување на дефектот, без вода ќе бидат корисниците на улиците Хо Ши Мин, Марко Крале, Призренска, Петар Манџуков, Александар Бујнов, Краишка, Коле Канински, како и корисниците на ул. Бутелска – од крак 1 до крак 35 и од крак 2 до крак 14.
Во исто време, голем прекин ќе има и во општина Гази Баба. Поради технички зафат на бул. Александар Македонски б.б., во периодот од 05:00 часот до завршување на работите, без вода ќе останат корисниците на бул. Александар Македонски, улиците Палмиро Тољати и Маџари, жителите од населбата Методија Андонов – Ченто и село Сингелиќ, како и дел од корисниците на ул. 808 и бул. Киро Глигоров.
Намален притисок во водоснабдувањето ќе имаат и корисниците во ниската зона на Автокоманда, како и жителите од населбите Триангла и Хиподром, заедно со корисниците на ул. Перо Наков во близина на Кванташкиот пазар. Јавното претпријатие апелира граѓаните да ја планираат својата дневна рутина имајќи ги предвид најавените прекини и можниот намален притисок.
