Skip to content
По завршувањето на контроверзните избори во Венецуела заедно со изборните резултати стигнаа и обвинувања за изборни нерегуларности но овој пат од државните институции.
Јавниот обвинител на Венецуела, Тарек Вилијам Сааб, ја обвини лидерката на опозицијата Марија Корина Мачадо, дека заедно со уште неколку лица извршила напад врз Националниот изборен совет (ЦНЕ) од Македонија за време на претседателските избори.
На прес-конференција Сааб рече дека неговата канцеларија пронашла прелиминарни докази за наводен обид за саботажа на изборниот систем на ЦНЕ што доаѓа од Македонија, а зад која покрај Мачадо стоеле и „бегалците од правдата“ Лестер Толедо и Леополдо Лопез.
Ваквиот чин според обвинителот го забавил системот со кој се обработувале податоците при што двата табора објавија различни резултати со огромна разлика на изборите. Како што објавија медиумите победник на вчерашните избори е актуелниот претседател Николас Мадуро кој е на власт веќе 11години, додека кандидатот на опозицијата Едмундо Гонзалез Урутија освоил 44 отсто.
Опозицијата го тврди спротивното, односно дека победил токму нивниот канидат со огромна разлика од 70 проценти од избрачите што излегоа на гласачките места. Поради ваквите спротиставени позиции избија немири во Венецуела.
