(ВИДЕО) Забележан човек во црно како трча по покрив по атентатот врз Чарли Кирк

Американските медиуми објавија видео на кое се гледа човек во црно како трча по покрив веднаш по моментот кога беше застрелан конзервативниот инфлуенсер и близок сојузник на Доналд Трамп, Чарли Кирк. Тој беше погоден во врат за време на универзитетски настан во Јута, пред околу 3.000 луѓе, и подоцна им подлегна на повредите.

Првично, директорот на ФБИ, Каш Пател, потврди дека осомничен е приведен, но неколку часа подоцна соопшти дека лицето е пуштено по испитувањето. Потрагата по напаѓачот продолжува.

Настанот предизвика паника меѓу студентите кои масовно побегнаа од салата. На собирот присуствувале и сопругата и децата на Кирк.

Претседателот Трамп го нарече убиството „гнасен атентат“ и истакна дека е „исполнет со тага и бес“. „Ова е мрачен момент за Америка“, порача тој во видео обраќање.

Гувернерот на Јута, пак, нападот го опиша како „политички атентат“ и повика Американците да престанат да се мразат едни со други.

Смртта на Кирк се смета за драматична ескалација на растечкото политичко насилство во САД.