Skip to content
Јермак на социјалните мрежи напиша дека се одржани состаноци со саудискиот министер за одбрана и советникот за национална безбедност.
Украинскиот претседател Володимир Зеленски вчера изјави дека Турција, земјите од Заливот или европските држави би можеле да бидат домаќини на разговори со рускиот претседател Владимир Путин.
Јермак информира дека тој и Умеров се сретнале и со премиерот и министерот за надворешни работи на Катар, Мохамед бин Абдулрахман Ал Тани.
– Тоа беше суштински разговор: разговаравме за резултатите од самитот на лидерите во Вашингтон, добивме ажурирани информации за мировниот процес и ги разгледавме деталите за безбедносните гаранции за Украина. Посебно внимание посветивме на хуманитарниот аспект, изразувајќи благодарност до Катар за неговата многу конкретна помош во враќањето на незаконски раселените украински деца, напиша Јермак на Х.
Тој нагласи дека главната цел на Украина останува непроменета – одржлив и праведен мир и додаде дека претстои серија посети на други земји.
