Владата именува пет нови директори: Клековски во ФЗО, Пандов во Управа за извршување на санкции

Владата денеска на седница донесе повеќе одлуки, меѓу кои одлуката за укинување на економските директори на Клиниките, но и за именување на раководни кадри на пет државни институции.

На позицијата вд директор на Дирекцијата за Технолошки индустриски развојни зони е назначен Гоце Димовски, а за нов вд директор на Управата за извршување на санкции е назначен Александар Пандов.

За вд директор на Фондот за здравствено осигурување, Владата го назначи Сашо Клековски, а за вд директор на Агенцијата за храна и ветеринарство е назначен Оливер Миланов. Владата му препорача на Управниот одбор на ЈП за стопанисување со државни шуми „Национални шуми“ да го избере Здравко Трајанов за вд директор на „Национални шуми“.