Во Хрватска пронајдена масовна гробница со 40 посмртни останки од Втората светска војна

 Министерот за хрватски бранители Томо Медвед денеска на гробиштата на Св. Марија Магдалена, во Госпиќ ,на местото на ексхумација на останки од Втората светска војна и повоениот период, соопшти дека е пронајдена масовна гробница со 40 останки, пишува Индекс.хр.

– Ова е примарна гробница, познато е дека Госпиќ и неговата околина се место на големи страдања, а ова место на кое се пронајдени многу траги од огнено оружје и голем број чаури, како и траги од врзување, само го потврдува тоа, изјави Медвед.

Тој додаде дека во претходната фаза од ексхумацијата биле пронајдени и закопани над 100 останки од тој период.

За време на мандатот на оваа хрватска влада беа истражени 81 локација на гробишта од времето на Втората светска војна и повоениот период, при што беа ексхумирани останките на 1.943 лица, а Медвед најави дека оваа програма ќе продолжи.