Во јакната обесена во март пронашол лото ливче вредно 15 милиони евра

Во јакната обесена во март пронашол лото ливче вредно 15 милиони евра, го пронашол во неделата која ја облекол зашто заладило. Маж од Франкфурт доживеал изненадување од својот живот за време на викендот.

Таткото на семејството од Франкфурт заборавил лотариски билет во џебот од јакната кога го чувал за летото. Не го пронашол билетот повторно сè додека времето не се заладило.

„Дури за време на викендот го најдов билетот повторно, превиткан во внатрешниот џеб од јакната“, рекол неидентификуваниот маж, додавајќи: „Кога ги проверив броевите на мојот телефон и ја видов добитната сума, бев целосно шокиран – за среќа седев, инаку колената ќе ми попуштаа.“

Добитната сума беше 15,3 милиони евра (18 милиони долари).

Лото Франкфурт, кое започна со ПР кампања во потрага по среќниот добитник претходно оваа година, рече дека човекот останал несвесен за својата среќа и покрај тоа што ја видел и слушнал кампањата за идентификување на добитникот.

„Во тоа време слушнав за тоа на радио и си помислив: „Колку глупав можеш да бидеш што не го земаш?“ Никогаш не ми падна на памет дека јас би можел да бидам лицето што го бараат“, рече добитникот.

Кога го прашале што планира да прави со својата добивка, човекот рекол дека сака да купи нова софа за дневната соба.

Освен тоа, тој и неговата сопруга – кои сакаат да останат анонимни – рекле дека планираат да го искористат поголемиот дел од парите за да ги издржуваат своите деца.