Во напад врз седиштето на руската Црноморска флота во привремено окупираниот Севастопол загинаа 34 руски офицери, меѓу кои и командантот на руската Црноморска флота, Виктор Соколов, соопштија Силите за специјални операции на вооружените сили на Украина во објава на Телеграм, пренесува Укринформ.
СОФ обезбеди ажурирање за загубите на непријателот по специјалната операција за уништување на големиот десантен брод Минск и седиштето на руската Црноморска флота.
„Со оглед на тоа што големиот десантен брод Минск требаше да замине на борбена должност следниот ден, персоналот беше присутен на бродот. Неповратните загуби изнесуваат 62 окупатори“, се вели во објавата.
„Во напад врз седиштето на руската Црноморска флота загинаа 34 офицери, меѓу кои и командантот на руската Црноморска флота. Уште 105 окупатори се ранети. Зградата на штабот не може да се обнови“, се вели во извештајот.
На 22 септември, околу пладне, украинските сили извршија успешен напад врз седиштето на руската Црноморска флота во привремено окупираниот Севастопол.
На 14 септември 2022 година, рускиот претседател Владимир Путин потпиша указ за назначување на Виктор Соколов за командант на руската Црноморска флота.
Во меѓувреме пријавени се експлозии во привремено окупиранио Бердијанск.
Жителите на привремено окупираниот град Бердианск, регионот Запорижја, во понеделникот пријавиле звуци од експлозии и детонации во градот, при што од местото на пожарот се издигнал црн облак чад, се наведува на Телеграм канал Бердианск денес, пренесува Укринформ.
Чад и експлозии од страна на градината“, известуваат жителите на градот.
Исто така, беше објавено дека е голема веројатноста дека експлозијата се случила во складиштето за муниција на непријателот.
Чекаме информации од Генералштабот“, соопшти Телеграм каналот.
Д,Мишев(ЦивилМедиа)
