Во септември 12 сојузни држави се свртеа кон Камала Харис

Во септември 12 сојузни држави се свртеа кон Камала Харис, покажува прогнозата според моделот на испитување на јавното мислење Нејт Силвер, пишува денеска Њузвик.

Во тие 12 се Мичиген, Флорида, Невада, Ново Мексико, Тексас и Њу Хемпшир, како и Вирџинија, Монтана, Охајо, 2-та област на Небраска, Вашингтон и Мисури.

Во меѓувреме, седум сојузни држави, вклучително и четири винг држави, се префрлија кон Доналд Трамп, вклучувајќи ги Висконсин, Северна Каролина, Џорџија, Минесота, Калифорнија, Аризона и Мериленд.

Пенсилванија, клучна држава во бојното поле, Род Ајленд и Индијана останаа исти. Индијана трендира кон републиканците, а првите две во тренд на демократите.

Вториот округ на Небраска, кој гласаше за демократ на последните избори, забележа најголем тренд кон демократите во изминатиот месец, поместувајќи се за 3,1 поен кон оваа партија. Потоа следат Мисури и Монтана, кои се традиционално солидни републикански држави, и Вашингтон, кој е солидно демократски.

Флорида и Вирџинија, исто така, забележаа тренд кон демократите во последниот месец од повеќе од 1 поен. Харис води пред Трамп со 7,3 поени во Вирџинија, а Трамп пред Харис со 3,6 поени во Флорида. Во 2020 година, Џо Бајден ја освои Вирџинија со 10 поени, додека Трамп ја освои Флорида со 3 поени.

Останатите шест држави забележаа тренд кон демократите од помалку од 1 поен, вклучително и свинг државите Мичиген и Невада, според анкетата на Нејт Силвер.

Харис води во Висконсин, додека Трамп води со многу тесни маргини во Џорџија, Аризона и Северна Каролина, според анкетата на Нејт Силвер.