Во септември папата во посета на Белгија и на Луксембург

 Папата Франциск (87) ќе ги посети Белгија и Луксембург кон крајот на септември, помалку од две недели по враќањето од 12-дневното патување во Азија, објави денеска Ватикан.

Белгиската бискупска конференција претходно соопшти дека папата бил поканет да присуствува на прославите за 600-годишнината од католичкиот универзитет во Лувен. 

„Неговата Светост папата Франциск ќе отпатува апостолско патување во Луксембург на 26 септември и во Белгија од 26 до 29 септември “, се вели во соопштението.

Последната посета на папа на Белгија беше во 1995 година, кога Јован Павле Втори присуствуваше на беатификацијата во Брисел на фламанскиот свештеник Јозеф Де Вестер, познат како отец Дамиен од 19 век.

Патувањето ќе дојде помалку од две недели откако папата Франциско ќе направи амбициозно патување во Индонезија, Папуа Нова Гвинеја, Источен Тимор и Сингапур меѓу 2 и 13 септември.

Со вкупно околу 30.000 километри патувањето во Азија ќе биде најдолгото за аргентинскиот понтиф откако стана поглавар на Католичката црква во 2013 година.

Тоа ќе биде и прва негова посета во странство откако беше во Марсеј во Франција во септември 2023 година.