Skip to content
Додавањето на малку зачин во исхраната може да има позитивно влијание врз здравјето. Истражувањата покажуваат дека капсаицинот – активната состојка во кајенскиот пипер – носи бројни придобивки за организмот, иако не сите ефекти се постигнуваат само со пиење вода со пипер.
Овој напиток најчесто се подготвува со комбинација од вода, кајенски пипер и сок од лимон, и може да се консумира топол или ладен. Медицинскиот портал Everyday Health наведува неколку потенцијални придобивки што овој напиток може да ги понуди.
Капсаицин и кајенски пипер
Кајенскиот пипер најчесто се користи во готвењето, но во последните години станува сè популарен како состојка во напиток за детоксикација и слабеење. Неговата лековитост потекнува од капсаицинот – соединение што му ја дава карактеристичната лут вкус.
Истражувањата покажуваат дека умерените количини капсаицин можат да имаат поволно влијание врз метаболизмот, варењето и циркулацијата. Сепак, прекумерна количина може да предизвика непријатност, болка во желудникот или киселини, па затоа се препорачува постепено воведување на овој напиток.
Потенцијални придобивки од водата со кајенски пипер:
– Богат извор на антиоксиданси
Кајенскиот пипер содржи антиоксиданси кои ги штитат клетките од оштетување и можат да го намалат ризикот од срцеви заболувања и одредени видови рак.
– Помага во контрола на апетитот
Капсаицинот делува како природен супресор на глад, па може да помогне во намалување на внесот на храна и создавање чувство на ситост подолго време.
– Може да го поттикне слабеењето
Иако ефектот е умерен, истражувањата укажуваат дека кајенскиот пипер може благо да го забрза метаболизмот и согорувањето масти, особено кога се комбинира со здрава исхрана и физичка активност.
– Ја подобрува дигестијата
Капсаицинот може да го стимулира протокот на крв во желудникот и да го подобри варењето и апсорпцијата на хранливите материи.
– Придонесува за здравје на срцето
Некои студии покажуваат дека капсаицинот може да ги шири крвните садови, со што ја подобрува циркулацијата и го намалува ризикот од наталожување на масни наслаги во артериите.
Сепак, експертите предупредуваат дека истражувањата се ограничени и дека нема доволно докази дека пиењето вода со кајенски пипер може да има ист ефект како употребата на капсаицин во медицински дози.
Најдобро е овој напиток да се користи умерено, како дополнителен дел од урамнотежена исхрана, а не како чудотворно решение за слабеење.
